Son Xəbər: Nobelə Trampın namizədliyi irəli sürüldü, Hava yenidən dəyişəcək - Güclü küləklə bağlı xəbərdarlıq edildi, Bütün istiqamətlər üzrə əlaqələr uğurla inkişaf edib - Putin, Ağdamda atası tərəfindən şiddətə məruz qalan Musa sağalıb, Əminə Yusifqızı vəfat etdi, Zakir Həsənov Yaşar Gülərlə görüşdü, Qəzzada döyüşlər dayandırıldı - TƏCİLİ, Bu vəzifəli şəxslər cərimələrə görə protokol tərtib edəcək - Fərman, Azərbaycanla Gürcüstan hərbçiləri kibertəhlükəsizliliyi müzakirə etdilər - FOTO, “Əbədi dostluq və qardaşlıq” haqqında müqavilə imzalayaq! - Mirziyoyevdən TƏKLİF,

Azərbaycanda yeni institutlar yaradıldı - Bəziləri birləşdirildi - SİYAHI

Tarix: 8-10-2025, 12:06

Azərbaycanda elmi müəssisələrin fəaliyyəti optimallaşdırılır.

Bu məqsədlə Nazirlər Kabineti Elm və Təhsil Nazirliyinin tabeliyində yeni institutların yaradılması barədə qərar qəbul edib.

Qərar Prezident İlham Əliyevin 2025-ci il 4 aprel tarixli sərəncamının icrasını təmin etmək məqsədilə verilib.

Sənədə əsasən, bir sıra elmi institutlar birləşdirilərək yeni publik hüquqi şəxslər - Geologiya, Coğrafiya, Fizika, Kimya, Riyaziyyat, Botanika, Canlı Sistemlərin Tədqiqi və Molekulyar Biologiya institutları yaradılıb.

Eyni zamanda, bəzi elmi müəssisələrin tabeliyi dəyişdirilib. Polimer Materialları İnstitutu Sumqayıt Dövlət Universitetinin, Ekologiya və Təbii Ehtiyatlar İnstitutu (Gəncə), Bioresurslar İnstitutu (Gəncə), Aqrar Problemlər İnstitutu (Gəncə) və Nəbatat Bağı (Gəncə) Gəncə Dövlət Universitetinin tabeliyinə verilib.

Bundan başqa, Təbii Ehtiyatlar İnstitutu (Naxçıvan), Bioresurslar İnstitutu (Naxçıvan) və Batabat Astrofizika Rəsədxanası (Naxçıvan) Naxçıvan Dövlət Universitetinin tabeliyinə keçib.

Nazirlər Kabinetinin qərarına əsasən, yeni institutların nizamnamələri iki ay müddətində Elm və Təhsil Nazirliyi tərəfindən təsdiqlənəcək. Daha sonra həmin qurumların dövlət qeydiyyatına alınması təmin ediləcək.